Unha muller de 75 anos de idade faleceu este mediodía no Hospital Xeral de Vigo onde foi trasladada logo de ser rescatada do mar na praia viguesa de Canido e reanimada por efectivos sanitarios, informaron fontes municipais.
Ás 11.33 horas, os servizos de salvamento do Concello de Vigo recibiron unha chamada do 061 solicitando o envío dunha ambulancia por un posible afogamento dunha muller de avanzada idade.
Unha enfermeira do Hospital Xeral fóra de servizo asistiu en primeira instancia á muller ao realizarlle manobras de reanimación cardio pulmonar, e posteriormente facultativos do servizo municipal de urxencias continuaron cos labores tratándoa con osíxeno e un desfibrilador externo.
A muller foi trasladada con pulso nunha ambulancia medicalizada ata o Hospital Xeral, onde faleceu.
A Policía Local de Vigo investiga o sucedido, un feito dedel que non houbo testemuñas.