Catro persoas resultaron feridas, entre elas un menor, ao producirse un accidente entre dous turismos que circulaban pola DP-0812, concretamente á altura do cruceiro de Obra de Pano, en Lubre, no concello coruñés de Bergondo.
Todo ocorreu ao fío das 20:30 horas da tarde do martes, cando un particular alertaba ao 112 Galicia de que se produciu un sinistro. Aseguraba que os danos eran unicamente materiais, polo que non era necesaria a intervención dos medios sanitarios.
Con estes datos, desde o 112 Galicia informouse aos axentes de Tráfico, da Policía Local e aos efectivos de Protección Civil da localidade e de Sada. Nada máis chegar ao momento, os efectivos de Protección Civil comprobaron que, debido ao forte impacto e aos danos causados, eran necesarios os medios sanitarios para atender a unha persoa ferida e medios para a limpeza da vía. Entón, os xestores do 112 deron conta dos feitos ao persoal do Servizo de Urxencias Sanitarias de Galicia-061 e aos Bombeiros de Betanzos.
Finalmente, os servizos sanitarios confirmaron que foron catro persoas as que resultaron feridas, entre elas un menor.
