O corpo sen vida dunha muller foi localizado este domingo aboiando na auga dunha piscina no lugar de Obra, no concello de Touro. Segundo informa o centro de atención ás emerxencias 112 Galicia, os servizos sanitarios desprazados ata o lugar non puideron facer nada por salvala e, "a pesar dos esforzos" que fixeron para reanimala, faleceu.
A vítima é unha octoxenaria que vivía coa súa familia na casa onde apareceu o seu corpo. A principal hipótese é que caeu á auga e xa non puido saír. Axentes da Garda Civil acudiron ao lugar.
🔴#AXEGAInforma de que foi localizado o corpo sen vida dunha muller aboiando na auga dunha piscina no lugar de Obra, en #Touro. A pesar dos esforzos, os servizos sanitarios desprazados nada puideron facer por salvala. Interviñeron, ademais, os axentes de @guardiacivil. pic.twitter.com/h4IguhMBYP
— 112Galicia (@112Galicia) November 28, 2021