Dúas persoas morreron este venres pola tarde nun accidente dunha avioneta que se estrelou sobre o tellado dunha gasolineira en Badia do Vallès (Barcelona). Os servizos do Sistema d'Emergències Mèdiques (Sem) recibiron o aviso do sinistro ás 17.15 horas.
No accidente morreron os dous tripulantes do aparello, segundo informou Protección Civil na súa conta de Twitter. A avioneta dispúñase a aterrar no Aeroporto de Sabadell e estrelouse sobre o tellado dunha gasolineira próxima, e Protección Civil activou a alerta Aerocat.
Traballan no accidente tres unidades do Sem, catro patrullas dos Mossos d'Esquadra e sete dotacións de Bombers da Generalitat, ademais de efectivos das policías locais de Sabadell e Badia do Vallès. Os Bombers tiveron que activar un guindastre ante a inestabilidade do aparello, que está no tellado onde se estrelou, pero non hai afectación da estrutura do edificio, nin lume, nin se produciu ningunha explosión, informou o corpo na súa conta de Twitter.
