A normalidade volveu á A-55 ao seu paso polo concello pontevedrés de Mos, despois de que o tráfico permanecese restrinxido durante horas debido a un accidente de tráfico. A circulación en sentido Vigo quedou reaberta este xoves pola tarde sobre as 14.30, tres horas e media despois de que un camión que transportaba botellas de cervexa perdese a súa carga.
O sinistro provocou o peche inmediato dos dous carrís da autovía que une a cidade olívica e O Porriño en dirección a Vigo e causou retencións entre os quilómetros 12 e 17 durante boa parte da mañá.
Restablecida a circulación na A-55, cortada durante horas polo accidente dun camión de cervexa
O suceso provocou retencións de tráfico entre os quilómetros 12 e 17, en dirección á cidade olívica