Un condutor de 68 anos ameazou esta madrugada cunha arma branca a quen pretendían auxilialo tras sufrir un accidente de tráfico, ao perder o control e encaixarse contra a rotonda de Bouzas, en Vigo, informaron fontes da Policía Local.
Varias testemuñas do accidente dirixíronse cara ao vehículo e para a súa sorpresa viron como o condutor trataba de darse á fuga e ameazábaos exhibindo unha arma branca.
A Policía Local mobilizou varias patrullas e localizou ao vehículo sinistrado e ao condutor nas inmediacións do pavillón de Bouzas.
Cando procederon a identificalo, os axentes comprobaron que C.G.C. tiña caducado o permiso de conducir.
Ademais, interviñéronlle o arma branca e denunciárono por iso e por un delito contra a seguridade viaria.