O alcalde de Vigo, Abel Caballero, garantiu este venres que o segundo aparcadoiro municipal gratis xunto ao hospital Álvaro Cunqueiro "vaise a facer", independentemente de que se avenga ou non a Xunta a ceder ou vender a parcela da súa propiedade, tal e como expuxo nunha carta remitida á Consellería de Sanidade.
O que non aclarou é se ese segundo aparcadoiro farase na citada parcela, cuxa elección, dixo Caballero, "non é un capricho" seu, senón que obedece a que a súa localización é "idónea" pola súa proximidade á entrada principal do hospital, ou en terreos municipais anexos ao aparcadoiro gratis xa existente.
Por cortesía "institucional", insistiu en que esperará un mes pola Xunta, a pesar de que o conselleiro de Sanidade, Jesús Vázquez Almuíña, deslizou que Vigo pode facer xa ese segundo aparcadoiro en terreos propios, e que a parcela da Xunta non ten cualificación para ese uso, en contra do que sostén Caballero.
A partir de aí, engadiu o alcalde vigués, empezará a tomar "decisións", sen aclarar nada máis aló de que "haberá segundo aparcadoiro municipal".
