A conselleira de Medio Ambiente, Ángeles Vázquez explicou este martes que o seu departamento estuda as solicitudes de tres entidades de Vigo para a realización de esperas nocturnas con porteiros coas que frear a proliferación do xabaril en entornos periurbanos da cidade olívica.
Vázquez anunciou que a medida, igual que a emprendida hai unha semana en Lugo, obedece á necesidade puntual de controlar a poboación de xabarís. "Somos conscientes de que hai unha sobrepoboación que pode xerar problemas sanitarios ou de seguridade, non que a tráfico se refire" ante o cal, afirmou, "estase a desenvolver, ao igual que en Lugo, un plan para conter aos xabaríns e ao mesmo tempo evitar posibles accidentes".
Os plans de control inclúen autorización de batidas, o uso de gaiolas e en última instancia, aclarou, "os profesionais como son os arqueiros".
Vázquez explicou que hai tres solicitudes sobre a mesa: unha para a zona de Peinador, outra para Canido e unha terceira para a zona de Bembibre, que probablemente recibirán o visto e prace en breve, pois foron informadas favorablemente pola xefatura territorial, de modo que as actuacións poderíanse desenvolver en cuestión de días ou semanas.