Dá negativo un caso estudado en Vigo por posible coronavirus tras unha estancia en China 

Hospital Álvaro Cunqueiro. AEP
photo_camera Hospital Álvaro Cunqueiro. AEP

Unha veciña de Chapela, do municipio pontevedrés de Redondela, que estivo recentemente en China, foi sometida a diversas probas ante un posible caso sospeitoso de coronavirus, pero finalmente deu negativo. 

Así o explicaron a Europa Press fontes do Sergas, que relataron que na tarde deste domingo unha veciña de Chapela presentouse no Punto de Atención Continuada (PAC) da rúa Pizarro en Vigo con síntomas respiratorios e indicou que estivera en China. 

Por iso, como medida de prevención derivárona ao Hospital Álvaro Cunqueiro (HAC) de Vigo e estivo illada nun box en Urxencias mentres se lle facían as probas pertinentes. 

Como "non cumpría ningún dos requisitos", puntualizaron as mesmas fontes, para considerar que puidese estar afectada polo coronavirus, finalmente non se chegou a activar o protocolo para este caso xa que as probas deron negativo. 

A muller recibiu a alta e foi enviada a casa "con medidas preventivas", destacaron as mesmas fontes sanitarias.

Comentarios