Axentes da Policía Local de Vigo detiveron a un home de 39 anos que presuntamente golpeou á súa parella, unha muller de 47, durante unha discusión nun piso okupa no que viven catro persoas.
Os feitos, segundo informou a Policía Local, tiveron lugar ao fío da medianoite do martes, momento en que o 092 recibiu unha chamada alertado de que un home estaba agredindo á súa parella sentimental na rúa Afonso XIII.
Os axentes desprazados ao lugar atopáronse nas escaleiras do inmoble a un home que resultou ser
O home respondeu que acababa de producirse unha discusión entre os catro moradores dunha vivenda, que segundo a Policía é un piso okupa, e invitou aos axentes a que o acompañasen ao seu interior.
No piso, sentada no sofá e chorando, estaba S. M. G, de Ponferrada, a cal presentaba lesións nun pómulo e arañazos nunha cella.
A muller sinalou que a súa parella, que resultou ser o home que acompañara aos axentes ata o domicilio, agredíraa, pero engadiu que non ía presentar denuncia.
Con todo, tras solicitar toda a información, os axentes procederon á detención de V. S. G, de Vigo, como presunto autor dun delito de violencia de xénero.
