Axentes da Policía Local de Vigo detiveron a un home de 71 anos que tratou de estampar un vaso na cabeza dun axente e a unha muller de 39 anos que a emprendeu a patadas con eles cando esposaban ao agresor.
Tal e como informaron este luns fontes policiais, sucedeu ás once e media da noite do domingo na Praza da Constitución, onde unha patrulla que facía a rolda viu interrompida a traxectoria do coche patrulla polo septuaxenario agora detido, quen se negou a apartarse do camiño para permitir circular aos axentes. Cando estes se apearon e procederon a apartarlo, o home tratou de agredir a un deles cun vaso de vidro, non logrando golpearlo, polo que procederon a reducilo e a esposalo.
Nese momento, unha muller golpeou a un dos axentes, propinándolle varias patadas e puñadas nas costas, para acto seguido darse á fuga en dirección Praza da Princesa. Finalmente, os axentes localizárona oculta nos baños dun local e detivérona tamén como presunta autora dun delito de atentado.
