A Policía Local de Vigo detivo a un mozo de 20 anos por unha suposta agresión á súa parella, embarazada de tres meses, cando esta intentaba escapar do seu domicilio mentres el se estaba duchando.
Segundo o relato da muller aos axentes, as malleiras que recibía da súa parella eran frecuentes nos últimos tempos e cada vez máis violentas, informaron fontes policiais.
A moza explicou aos axentes que se trasladaron ata o lugar dos feitos que desde había meses recibía malos tratos por parte da súa parella, e que o pasado domingo propinoulle unha malleira que lle provocou varios hematomas no corpo. Indicou que por mor desa agresión decidira abandonar o domicilio.
A vítima logrou escapar do detido, que saíu espido ao descanso do edificio para impedir que se fora. A moza chegou ata a vía pública onde foi auxiliada por unha muller e trasladada a un centro hospitalario.
