A Policía Nacional detivo a un traballador dunha residencia da terceira idade de Vigo por roubar presuntamente varias xoias na habitación dunha anciá residente.
O traballador, segundo informou este xoves a Policía, levaba poucos meses traballando no servizo de limpeza da residencia e aproveitou o acceso ás habitacións e a ausencia da muller para subtraer un anel e uns pendentes de ouro valorados en máis de mil euros.
O agora detido, facéndose pasar polo propietario das xoias, uns días despois do roubo vendeunas nun establecemento de compra-venda de ouro, onde foron recuperadas pola Policía, que llas mostrou á propietaria, quen as recoñeceu como súas.
Comprobados os feitos, ao detido impútanselle dous delitos, un de estafa e outro de furto de xoias, polos que foi posto a disposición xudicial.
