A Garda Civil incautou a pasada fin de semana 6.600 petardos que estaban á venda sen autorización na festa do Carmen que se celebrou en Praia América, no concello de Nigrán, informou o corpo armado este xoves nun comunicado.
Ademais, os axentes da Patrulla Fiscal e de Fronteiras da Garda Civil de Vigo, que realizaron as inspeccións nos distintos postos de venda ambulante do recinto feiral, denunciaron á persoa responsable, que é veciña de Madrid.
A venda destes artificios pirotécnicos unicamente pode realizarse en establecementos autorizados e a persoas maiores de 12 e 18 anos, segundo as distintas clases.
Os produtos incautados son da clase F1 e F2, que teñen unha limitación de idade para a súa compra en función do seu potencial perigo.
A venda destes artificios pirotécnicos sen autorización administrativa constitúe unha infracción grave do Regulamento de Artigos Pirotécnicos e Cartuchería, e os seus responsables poden ser sancionados con multas de ata 30.000 euros.
Por outra banda, e no mesmo evento, os axentes formularon sete denuncias por tenencia ou consumo de estupefacientes en lugares públicos e outro máis a un menor de idade por consumo de bebidas alcohólicas.
