Axentes da Policía Local de Vigo interceptaron unha condutora, M.Q.R., de 49 anos e natural de Ponteareas, que circulaba en sentido contrario pola VG-20.
Segundo informaron fontes policiais, ocorreu na mañá do pasado venres, cando unha dotación que estaba a realizar labores de control e prevención en materia de seguridade viaria observou un vehículo en sentido contrario pola VG-20, na zona de Ricardo Mella en dirección a Puxeiros.
Os axentes avisaron outras unidades para establecer un dispositivo de interceptación, e púidose localizar o vehículo á altura da saída 159b. A condutora manifestou que se equivocou ao entrar na vía, e "non sabía como saír".
Os policías inmobilizaron o vehículo na beiravía, ata que se acudiron efectivos da Garda Civil de Tráfico, para facilitar a saída do vehículo da zona.