Un mozo de 36 anos de idade está a ser investigado tras arroxar un resultado positivo de 0,83 miligramos de alcol por litro de aire expirado nun control realizado polos axentes da Policía Local de Vigo na madrugada deste venres.
O suceso tiña lugar pasadas as 01.30 horas cando unha patrulla de policías circulaba pola Travesía de Vigo e observaba que o vehículo que lle precedía circulaba zigzagueando e invadindo os dous carriis de circulación dando volantazos para evitar chocar cos dous turismos estacionados.
Tras darlle o alto e proceder á identificación, os axentes comprobaron que presentaba síntomas de atoparse baixo os efectos do alcol e procederon a realizarlle a correspondente proba de alcoholemia.
Doutra banda, tamén está a ser investigado o condutor doutro turismo por dar positivo (0,69 mg/l) no control de alcoholemia tras verse implicado nun accidente de circulación na rúa Monte dos Pozos.
