A deputada socialista no Parlamento de Galicia e antiga concelleira de Vigo Isaura Abelairas faleceu este mércores aos 70 anos tras unha loita de catro contra o cancro.
Nacida en Taboada, Abelairas conseguira acta no Parlamento de Galicia da man de Gonzalo Caballero, o seu último servizo público dun notable lista.
Antes, xogou un importante papel na política viguesa, na que estivo involucrada durante dúas décadas, etapa que pechou na anterior lexislatura de Abel Caballero, quen este mércores expresou o seu pesar polo falecemento de Abelairas, da que dixo que quixo "dunha forma excepcional" a Vigo, cidade á que dedicou a súa vida.
"Quero transmitir o noso pesar. Meu, do Goberno e da cidade", dixo Caballero, que describiu a Abelairas como "unha muller cun corazón inmenso e unha extraordinaria visión do social".
O Concello decretará loito oficial e bandeiras a media hasta en homenaxe a unha muller que foi concelleira de Limpeza e Festas, estivo á fronte dos departamentos de Exteriores e Vías e Obras, como tamén de Cultura, Igualdade e Normalización Lingüística e Política Social.
Varios políticos e outras personalidades expresaron publicamente as súas condolencias polo falecemento de Isaura Abelairas.
