O hospital Álvaro Cunqueiro de Vigo acolleu o pasado 27 de marzo o primeiro nacemento de trillizos tras unha cesárea programada polo servizo de Xinecoloxía e Obstetricia tras 34 semanas de xestación, informaron este mércores fontes do Sergas.
Os bebés, que pesaron respectivamente 1,7, 2,08 e 2,3 quilos, atópanse en bo estado de saúde aínda que pasarán un tempo nas incubadoras da unidade de Neonatoloxía do hospital, precisan as fontes.
Os últimos trillizos que naceron na área sanitaria de Vigo datan de 2015, no hospital Xeral.
Neste caso tratouse dun embarazo espontáneo, algo moi excepcional, xa que a súa incidencia é de 1 entre 10.000 embarazos, precisan as fontes.
Os pais destes trillizos residen en Tomiño e xa teñen a outra nena de 3 anos de idade.
