Un pazo do século XIV situado en Nigrán, na comarca de Vigo, figura entre as casas en venda actualmente máis caras de España, indica hoxe a firma Idealista, de transaccións inmobiliarias por internet.
Segundo esa firma, entre as moradas máis caras de España destacan unha mansión en Marbella en primeira liña de praia de 8.000 metros cadrados con doce dormitorios en tres edificios, cuxos propietarios venden por 55 millóns de euros.
En segundo lugar figuran unha vila de 2.000 metros cadrados con vistas privilexiadas sobre o mar en Sant Josep de Sa Talaia, na illa de Eivissa, con dez habitacións por 40 millóns de euros, e en terceiro un palacete en Mijas, Málaga, de 7.000 metros cadrados en primeira liña de praia de acceso privado por 35 millóns de euros.
O conxunto dispón dun total de catorce dormitorios, máis de seis salóns e comedores, unha tradicional 'lareira'
Na lista figura tamén o señorial pazo galego de Cadaval-Urzaiz, con escudos e brasóns dos Cadaval, Figueroa, Ozores, Montenegro, Ceta, Correa e Urzaiz, nun espazo de catro hectáreas que inclúe a casa de pedra.
O conxunto dispón dun total de catorce dormitorios, máis de seis salóns e comedores, unha tradicional 'lareira' para cociñar, garaxes, un antigo torreón circular rematado por almenas e unha muralla rodeando o recinto con dous portóns de acceso, un ao patio de honra da fachada principal.
Ademais, a propiedade dispón dun hórreo de entre os máis grandes de Galicia, piscina, xardíns, prados e bosque, segundo Idealista, que afirma que está en venda por 5,5 millóns de euros.
