Unha persoa tivo que ser trasladada este luns ao hospital Povisa de Vigo debido ás lesións sufridas nun incendio orixinado na campá extractora da cociña da súa casa, segundo informou o 112 Galicia.
Os feitos ocorreron ás 15:30 horas deste luns, cando o ocupante dunha vivenda situada na Rúa Taboada Leal de Vigo trataba de apagar cun extintor un lume na cociña.
A persoa foi evacuada por un equipo médico do 061-Urxencias con queimaduras nas mans.
Desde o 112 pediron a colaboración dos Bombeiros de Vigo co fin de comprobar que o incendio estaba completamente sufocado.