Axentes da Policía Nacional rexistran desde primeira hora deste sábado a casa do autor confeso do crime de Sárdoma, parroquia de Vigo, que lle custou a vida a un octoxenario a mans dun dos seus fillos, segundo informaron fontes policiais a Efe.
O fillo menor do octoxenario asasinado hai dous días na parroquia viguesa de Sárdoma, que acabou confesando os feitos na comisaría da Policía Nacional de Vigo, está presente neste rexistro acompañado do seu avogado.
O detido, que ía prestar declaración este sábado ante o xuíz, non o fará previsiblemente ata este domingo, unha vez se cumpran as 72 horas das que dispón a policía para entregalo a disposición xudicial.
