Os traballos que Adif prevé iniciar na noite deste venres, día 19 de outubro, para renovar a ponte metálica de Redondela, na liña de ancho convencional que une este municipio con Santiago, afectarán ao servizo ferroviario entre Pontevedra e Vigo.
En concreto, segundo informaron Renfe e Adif nun comunicado, os traballos consisten no cambio e mantemento dos apoios do taboleiro sobre as pilas e estribos do viaduto.
Para iso, a circulación ferroviaria permanecerá interrompida entre Redondela e a coñecida como Bifurcación Redondela desde as 23.45 horas do venres ata as 15.45 horas do domingo, día 21.
O resto de traballos complementarios de mantemento desenvolveranse durante as noites do 21, 22 e 23 de outubro, sen interrupción do tráfico ferroviario. Posteriormente, efectuaranse labores de pintado e outros remates, sen afectación ao servizo.
