Dous operarios quedaron atrapados este martes nun tanque que estaban desinfectando nun estaleiro en Vigo, na Avenida da Mariña Española. Atendendo á información divulgada polo 112 Galicia, un deles precisou asistencia médica ao resultar intoxicado e foi trasladado ao hospital Povisa.
O outro traballador, tras ser liberado polos Bombeiros de Vigo, foi atendido no lugar dos feitos por persoal do 061.
Nada máis recibir a alerta a través dos efectivos médicos ao redor das 21.30 horas, o 112 avisou á Policía Nacional e Local, á Garda Civil e a Protección Civil.