O Sergas detectou oito casos positivos de covid-19 entre as aproximadamente 200 persoas que, segundo a Policía Local, participaron nunha festa ilegal nun establecemento da praia de Samil o pasado 27 de marzo.
Segundo confirmaron a Efe fontes do Sergas, tras a detección dun positivo entre os asistentes á festa, apareceron outros sete que tamén estiveron esa noite alí.
En consecuencia, a Consellería de Sanidade fixo un chamamento a todas as persoas que estiveron na festa para que se fagan unha proba diagnóstica.
A festa, que foi denunciada pola Policía Local, tivo lugar un sábado pola noite aínda en horario habilitado para que a hostalería manteña as portas abertas.
No interior do establecemento había unhas 50 persoas, mentres que o resto concentrábase na terraza do local, no que puña música un Dj.
