A Xunta de Galicia celebrou este luns a apertura da oficina de cónsul honorario de Rusia en Vigo, que ve como
Así o trasladou o vicepresidente primeiro do goberno galego, Alfonso Rueda, que participou, xunto ao director xeral de Relacións Exteriores e coa UE, Jesús Gamallo, no acto de inauguración deste consulado na cidade olívica, que estará a cargo de Pedro Mouriño.
Rueda explicou que este consultado honorario, o único de Rusia no noroeste da Península, suporá unha nova oportunidade para fortalecer a cooperación entre Galicia e o país ruso en áreas como relacións comerciais, cultura ou promoción turística e, de feito, fixo fincapé no aumento do interese, por parte de cidadáns rusos, por visitar Galicia.
Segundo explicou, os cidadáns de Rusia ocupan o posto 15 en canto peso dos mercados turísticos estranxeiros en Galicia, e visitan a comunidade atraídos pola cultura e a gastronomía.
Rueda lembrou que "un dos principais reclamos para os turistas" é o Camiño de Santiago, recoñecido a nivel internacional e que "permite situar a Galicia no mapa". Respecto diso, apuntou que, no caso de Rusia, a afluencia de peregrinos multiplicouse por 10 nos últimos anos, pasando de 238 visitantes en 2010 aos máis de 2.600 no ano 2019.
