Dúas conferencias do nutricionista Julio Basulto, un contacontos con Eugenia Manzanera, o reforzo da guerra de almofadas cun espectáculo de Troula e as estreas das novas propostas de Caxoto e Charo Pita son as principais citas da programación do VI Festival para Bebés de Pontevedra, Núbebes.
A compañía Baobab, coordinadora desta actividade, vén de presentar a edición deste ano, que incorpora aos espazos habituais do Principal, a Casa Azul e a Casa das Campás, dous novos: o do Casino Mercantil e o do Centro de Interpretación das Torres Arcebispais (CITA).
As propostas desenvolveranse durante as dúas últimas fins de semana de setembro –entre os días 21 e 30–.
A información completa do evento (horarios, entradas, etc.) pode consultarse no seu Facebook, o no seu Twitter.