O barrio pontevedrés de O Burgo celebrará as súas festas grandes en honra ao seu patrón Santiaguiño do 22 ao 26 de xullo. O festexo contará con dianas, alboradas e pasacalles de grupos de música tradicional polo barrio durante os catro primeiros días.
Do venres ao martes tamén se celebrará unha verbena no recinto feiral do barrio a partir das 22.30 horas. Ademais, o martes 25 haberá fogos artificiais na beira do río ás 24.00 horas. Finalmente, o mércores 26 concluirá a festividade coa celebración do día infantil a partir das 18.00 horas no recinto feiral.
