NON LLE chamemos deporte. Trátase de economía deportiva. Nada novo. Grandes empresas do fútbol profesional argallaron unha nova competición para mellorar os números dos seus exercicios e marcar máis distancia con todos os demais. Esa era a única pretensión. Nada dista do que ocorre en calquera outro sector, porque os mercados, que son os que dominan o mundo, funcionan así. Os xa poderosos emporios Real Madrid, Juventus, etc. serían máis ricos e en contraposición todos os outros estarán a máis treito, deportivo tamén, pero iso é o de menos no mundo do fútbol aínda que algúns afeccionados non o vexan, pero sobre todo económico; igual que ocorre coa distribución da riqueza nos estados occidentais, nun sistema que parecía esgotado, pero que se readaptou para que nada cambiara. Se se concretara a Superliga —difícil tras as desercións—, sociedade selecta como o Ibex ou o Nasdaq, sería o símbolo máximo da economía deportiva liberal.
Procura
Servicios
El Grupo
Comentarios