A PESAR dos atrancos pandémicos, puideron celebrarse unhas eleccións catalás que elevan a PSOE e Vox, manteñen a Podemos e minimizan a Cs e PP, iso en canto á extrapolación na española, porque aquí xogábanse algo máis que unhas autonómicas, como ben quedara claro en campaña. Labazadas para Arrimadas e Casado, resistencia de Iglesias e estímulo para Abascal e Sánchez. Se ben o triunfo socialista non é suficiente para Illa porque o secesionismo incluso sae fortalecido, con catro escanos máis que en 2017 e supera a metade dos votos, unha barreira ata agora infranqueada de gran transcendencia por moito que a participación fora escasa. O pequeno reaxuste entre ERC e JxCat permitirá aos republicanos ter o primeiro president logo da Segunda República (exilio e Transición á parte), e todo pola escisión do PDeCAT dos seus socios do Govern que os privou duns miles de votos que ao final resultaron perdidos por non obter representación.
Procura
Servicios
El Grupo
Comentarios