Opinión

Abatida a resistencia numantina

RESISTIU MÁIS do que se sospeitaba, pero acabou como se esperaba desde que transcenderon as irregularidades do seu máster nunha universidade considerada como niño do PP, símbolo do partidismo máximo dunha entidade pública. Cifuentes dimite logo das andanadas recibidas de disparos amigos, eses que son os máis perigosos por proceder de dentro.

Porque logo do asunto do posgrao chegou o vídeo do roubo de produtos antienvellecemento nun supermercado difundido a través de círculos próximos, quizais de quen no propio partido se sentiu sinalado pola ata onte presidenta de Madrid cando se arrogou o distintivo de "tolerancia cero" contra a corrupción, e uns cantos derrubáronse ao seu arredor.

Aguantou moito máis do que se aventuraba cando lle estourou o máster baixo os pés, exemplo da resistencia a dimitir neste país, pero a consistencia dos bombardeos levárona por diante.

Comentarios