Opinión

Adulteración democrática

O RARO SERÍA que sobrevivise. O acoso mediático, a el sobre todo, aínda que extensivo a outros destacados dirixentes, non podía acabar de outra maneira por máis que solventara todos os casos xudiciais sen raspaduras penais pero con visibles moretóns políticos. A campaña que con diversas gallas se emprendeu desde a súa emerxencia sábese agora que contou en boa parte cos sumidoiros do Estado, nos que se apoiou daquela o partido gobernante para debilitalo. A parte institucional aproveitou a delincuencia policial dos autodenominados patrióticos para vender un relato adulterado, falso por fabricado, para que o adquirira a sociedade por insistencia. Pero non vaia ser que ao atentar tanto con entramados corruptos, como o que acaba de aflorar de hai anos dun policía enzoufado en suciedade cunha ministra sen escrúpulos, na democracia só quede o voto, e ás veces pode que adulterado por malas artes. Un perigo para o sistema.

Comentarios