Opinión

Estrañas parellas

A POLÍTICA ten xerado estrañas parellas. E esta época de incertidume, na que as maiorías absolutas pasaron de habitual a excepción, é propicia para achegar a quen noutras situacións se verían como unións imposibles. Estas aproximacións virían dadas na maioría dos casos non por iniciativa propia senón por celestinas que concertan relacións amorosas doutros con tal de sacar proveito. Algo así xa se viu. O senador socialista lucense Ricardo Varela tivo un fugaz flirteo cos independentistas conservadores cataláns, só de días, ata que concluíu o negocio e puideron estes constituír grupo propio. E se tivera prosperado o ofrecemento de Rajoy a Sánchez de que os populares apoiaran aos socialistas que o precisasen en concellos e comunidades a cambio de permitirlle seguir sendo presidente veriamos a Jaime Castiñeira sustentando a Lara Méndez, cambiando críticas por gabanzas. Raros amoríos.

Comentarios