POSIBLEMENTE tome unha decisión que non lle agrade, porque só ten dúas saídas e calquera delas é discutible. Felipe VI, logo da segunda rolda informativa con líderes políticos debe propoñer candidato a presidente do Goberno porque a situación non se pode prolongar eternamente. E, contra do que ocorreu sempre co seu pai, que logo da obrigada consulta planteaba que fose candidato o aspirante da lista máis votada porque non había outras opcións, el neste caso vese na tesitura de elevar ao Parlamento o nome de quen non quere pasar polo grolo amargo de investidura fallida ou un alternativo que a pesar de ser o segundo en número de deputados asegura contar con argumentos suficientes para intentar superar o obrigado trámite na Cámara Baixa. Non lle gustará verse a Felipe VI elixindo, pero non lle queda outra nesta dicotomía, porque para el e todos é momento de decisións.
