Valga repasa os sucesos máis relevantes do ano no seu belén

Un ano máis, e xa van 28 edicións, a apertura do Belén Artesanal en Movemento dá o tiro de saída ao Nadal en Valga. A directora de Turismo de Galicia, Nava Castro, o alcalde, José María Bello Maneiro, e a presidenta da asociación Amigos do Belén, Mari Carmen Castiñeiras, foron os encargados de abrir a cortina que cubría o nacemento e revelar, así, o segredo mellor gardado: as novas incorporacións recreando os grandes acontecementos que marcaron o ano 2022. Entre elas atópanse a morte da raíña Isabel II, a guerra de Ucraína, a vaga de incendios ou a actuación das Tanxugueiras no Benidorm Fest. VÍDEO: GONZALO GARCÍA.