Despois de máis dun mes de confinamento e, por tanto, do peche dos centros escolares, manter o contacto entre os profesores e alumnos parece unha tarefa difícil. Porén, os docentes do Ceip de Ponte Sampaio veñen de publicar un vídeo co que buscan conservar ese "vínculo emocional e familiar" cos estudantes e "amosarlle o seu apoio e ánimo".
Para iso empregaron o tema 'Un beso redondo', de Conchita, acompañado de imaxes de todo tipo gravadas polos mestres en cadanseu domicilio.