Dismal regresa aos escenarios de Pontevedra 15 anos despois

O regreso de Dismal aos escenarios despois de 15 anos marca a sesión da noite do festival Surfing the Lérez de Pontevedra. O grupo de metal, un dos máis importantes da escena pontevedresa de hai 20 anos, dera o seu último concerto na Praza do Teucro en xuño de 2007. Exactamente 15 anos despois volveron subir a un escenario e o público da Boa Vila gozou co seu directo.