Volve ver a primeira eliminatoria do Certame de Murgas de Pontevedra

A canción de Bizarrap e Quevedo. A canción de Bizarrap e Shakira. Estas melodías, que o produtor arxentino acabou por converter en dous dos temas máis escoitados e reproducidos dos últimos meses, soaron este luns no Pazo da Cultura de Pontevedra, na primeira eliminatoria do XXXI Certame de Murgas do Entroido pontevedrés, na que se falou de temas locais, como as próximas eleccións municipais, xunto con outros como as noticias protagonizadas polo rei emérito ou o seu neto, Felipe de Marichalar.