O IES de Poio afianzará a conciencia ambiental no seu III Cumio polo clima
Todo listo para o III Cumio do Clima que se celebrará no IES de Poio a vindeira semana, do 7 ao 11 de abril e que pon en valor meses de traballo multidiciplinar no centro por parte de distintos grupos de alumnos e mestres arredor do cuestións como o cambio climático e o respecto polo medio. Todo elo quedará exposto nas presentacións do alumnado en feiras divulgativas con diferentes temáticas moi actuais.
A lista de colaboracións é case tan longa como a de propostas e iníciase coa de Beflamboyant, a empresa pontevedresa que ten no mercado unha marca de calzado vegano e cuxos responsables, Tatiana González e Jorge López inaugurarán as sesións. Na mesma maña abordarase cos alumnos de segundo de ESO como divulgadores as consecuencias da industria téxtil nos océanos, e haberá unha entrevista a Antón Masa, presidente da APDR a cargo do Club Ecoloxista do IES, que tamén comandará ximcanas e un club de lectura.
O martes os microplásticos serán os protagonistas, coa charla do programa Prezero da Deputación, seguida da exposición sobre pósters científicos ou o Obradoiro de reutilización de roupa, a cargo de Pilar Campos. Ás 12.50 o centro acollerá un obradoiro sobre escenarios climáticos impartido por responsables do Post Grow Innovationlab da Universidade de Vigo.
O mércores iniciarase o día co obradoiro de estampado de follas do clube ecoloxista, e cara mediodía chegara Karon Farias de Aobá Upcicling para a súa charla e posterior obradoiro. Na primeira cita falará de deseñar unha colección de Upcycling
Das enerxías renovables á pegada de carbono
O xoves chegará Adega, co obradoiro Ecolimpo, e os alumnos de cuarto de ESO impartirán a sesión divulgativa A auga: luxo ou necesidade?, mentres que Sotavento impartirá os obradoiros de enerxías renovables.
A pegada de carbono será a protagonista das aprendizaxes prácticas do venres, impartidas por Ceida, mentras que Eugennio Fernández Carrasco, profesor de Enxeñaría Química da Facultade de Ciencias da USC, ofrecerá uha charla sobre o cambio climático, ás 10.50 horas.
O venres haberá xornada de portas abertas e, como todo cumio, clausura con Eco Étika (do Luis Seoane) e Malas Herbas (IES Paralaia).
